O goberno local coruñés decretou a suspensión das licenzas dos edificios número 4 e 4a da rúa Sinagoga da cidade vella da Coruña, onde se pensa que estivo radicada o templo da pequena pero dinámica comunidade xudea ata a súa expulsión en 1492. O obxectivo da suspensión é a protección dos dous inmobles e de posibles restos arqueolóxicos no subsolo, así como da cisterna de sillería ubicada baixo o número 4, que algúns arqueólogos asocian a nivel hipotético cun baño ritual propio destes templos. O concello tamén autorizou o inicio dos trámites para adquisición das dúas propiedades.
