A ciencia ficción e o terror estarán presentes en Coruña durante as próximas semanas por partida dobre. O terror clasico da Universal e a ciencia ficción europea serán protagonistas de senllos ciclos organizados polo CGAI. Por outra banda, hoxe comeza o V Mostra de Cine de Terror e Ciencia Ficción organizada pola Universidade.
Mostra de cine
A sala de proxección da Escola Superior da Mariña acollerá desde hoxe e ata do sábado 11, a V Mostra de Cine de Terror e Ciencia Ficción que organiza a Universidade de A Coruña. A programación deste ano inclúe tanto clásicos do xénero como as películas que máis éxito tiveron o ano pasado. Entre os clásicos, durante esta semana poderá seguirse o ciclo dedicado a Ray Harryhausen, destacado crador de efectos especiais. Pola súa banda, o teatro Rosalía de Castro acollerá as II Xornadas de Cinema Universitario, con películas como Como ser John Malkovich ou a galega O báter susura.
CGAI
O Centro Galego de Artes da Imaxe programará durante este mes na súa sede dous ciclos de cinema. O primeiro deles, Ciencia Ficción Europea, que se desenvolverá ata o próximo sábado, cubrirá as mellores obras do director polaco Andzej Wajda ademais doutras obras coma O barón fantástico do checo Karel Zeman. A partir do día 14, un novo ciclo tratará do terror clásico da factoría Universal, con películas coma A pastasma da ópera, Drácula ou Frankenstein.
