A histórica produtora Faro fecha as súas portas

A Produtora Faro, referente audiovisual no noso país, fechaba este 26 de abril as súas portas en Vigo logo de 35 anos de actividade. A empresa aduce problemas económicos como motivo do feche, que deixa na rúa 42 profesionais. O cadro de persoal anunciou unha folga indefinida logo que as persoas responsables da firma afirmasen carecer de liquidez para pagar as nóminas do mes en curso. Faro levaba varios anos a arrastrar unha crise financiera pola que xa declarara varios expedientes temporais de regulación de emprego desde 2014.


A entidade desenvolvera desde o seu nacemento múltiples proxectos, cunha alta presenza dos seus produtos na grella da televisión de Galicia. Entre os máis recentes, programas como Que nos pille rebolando, Pazos e Cía, A volta coa música, éxitos como Larpeiros ou propostas históricas como Chambo. Na súa carreira inclúense todo tipo de producións, a incluír,series, filmes, documentais, magazines ou programas de entretemento, unha experiencia que a levaron ser considerada un referente no audiovisual do país.