Unha das figuras aparecidas no dolmen. Fonte: Concello de Vimianzo.
Unha figura humana e outra dun gato feitas con xiz compoñen o ataque vandálico que sufriu o dolmen de Pedra Cuberta, en Vimianzo. As pintadas descubríronse este domingo 4 de abril e o Concello anunciou que desenvolverá unha investigación sobre o ataque. Malia ao aparente baixo impacto do material empregado, témese que o mesmo poida ter afectado ás pinturas murais que o dolmen conserva no seu anterior. A corporación municipal ademais adiantou que ordenou "un estudo técnico sobre a afectación das pintadas neste ben patrimonial, así como o procedemento a iniciar para a súa eliminación".
