Xosé e Ramón Trigo, ao guión e aos debuxos respectivamente, acaban de publicar Kartoffel, a súa última novela gráfica. O proxecto, que se fai realidade logo de conseguir o pasado mes de marzo máis de 4.000 euros nunha campaña de crowdfunding, aborda a presenza alemá en Vigo durante a II Guerra Mundial. Espionaxe, submarinos e comercio de wolframio atópanse nunha obra que sae á venda en galego e en castelán e que inclúe entre as súas páxinas con diferentes documentos históricos e fotografías que dan testemuña da actividade do exército e da diplomacia alemá da época no noso país. Unha primeira versión da obra, co título Lobada fora publicada en 2016 polo selo Caleidoscopio logo quedar finalista no Premio Castelao de Banda Deseñada dous anos antes.
