Olga Novo recibe o Premio Nacional de Poesía

A escritora Olga Novo acaba de recibir o Premio Nacional de Poesía que concede o Ministerio de Cultura. O xurado escolleu a obra Feliz idade coma a mellor obra poética do ano destacando que se trata "dun relato vitalista que celebra o amor e a existencia máis alá do tempo e relaciona a maternidade e a morte cunha profunda presenza crítica da memoria histórica". Feliz Idade foi publicada por Kalandranka na colección Tambo. O Premio Nacional de Poesía está dotado con 30.000 euros. Cómpre destacar que a pasada edición do premio foi tamén para un poemario en galego: Tempo fósil de Pilar Pallarés.