Xa se poden retirar as entradas para o festival Alguén que respira!

A partir de hoxe, mércores 16 de setembro, xa se poden retirar as entradas para os recitais do festival Alguén que respira!, que comeza en Santiago de Compostela este sábado 19 de setembro. O festival divídese en oito programas, entre os que sobrancea a volta do colectivo poético Rompente, que estrea o espectáculo poético "Que hostia din os rumorosos?". As reservas pódense facer no Teatro Principal en horas de billetería (de 18 a 21 horas) ou na web de Compostela Cultural. As entradas son de balde.