A dinamización cultural comarcal ten un novo proxecto na Costa da Morte coa programación que ven de presentarse baixo o nome de Orballo Cultural. Un ciclo que salpicará de actuacións musicais varias localizacións especiais da zona durante o verán e que comeza este sábado en Carballo co concerto da banda M Clan nun formato acústico. O ciclo ofrecerá eventos con todas as medidas de seguridade e cunha capacidade de asistencia moi reducida. O Forum de Carballo, o novo Parador da Costa da Morte en MuxÃa, o EcoMuseo Forno do Forte en Buño e o hotel O Semáforo no faro de Fisterra son os lugares onde se desenvolverán estes catorce concertos que ofrece o ciclo para dinamizar o verán, ao xeito do que fai o ciclo Paisaxes Sonoras na zona de Barbanza-Arousa. Ademais de músicos foráneos como os propios M Clan e o blues de Lee Wofe & Maraya Zydeco o resto do programa está integrados por artistas galegos como as bandas The Bo Dereks, Los Wavi Gravies, Monoulious DOP, Ukestra do medio, Mascada, Quercus Blues e nomes coma os de Ortiga e SÉS, ou Isaac peces e AntÃa MuÃño. As entradas para os concertos de agosto estará a venda este luns, 27 de xullo.
