A cultura galega contemporánea mergúllase nas páxinas da revista Nós

Cada semana preséntanse as conexións actuais dos artigos orixinais da publicación

Cada semana preséntanse as conexións actuais dos artigos orixinais da publicación
O Consello da Cultura Galega presentou onte Olladas sobre Nós, un especial no que destacadas figuras e profesionais da cultura galega contemporánea exploran os contidos da emblemática revista Nós, da que se celebra o seu centenario. Cada semana, proporase un artigo orixinal de Nós, dixitalizado en Galiciana, e se explicará a súa conexión persoal, social ou cultural. Na experiencia participan doce profesionais, seleccionados de acordo coa división temática orixinal do Seminario de Estudos Galegos, entre os que figuran nomes como Antón Santamarina, Marica Campo, María Dolores Barral Rivadulla ou Antonio Reigosa entre outros moitos.