Nas últimas semanas véñense anunciando os fallos de varios certames literarios no país, que mantiñan convocatorias de textos breves. En todos eles destaca a altísima participación. O III Concurso de microrrelatos da Real Academia Galega e PuntoGal, no que se premiaron nvoe historias de ata 200 palabras, sumou máis de 750 contos. A oitava edición do concurso de microrrelatos Ribeira Sacra-Parada de Sil non foi menos. "Este ano batéronse todos os records", recorda o consistorio de Para de Sil (Ourense). Presentáronse 1044 participantes". Tamén outro concello lugués, Paradela, viuse desbordado. Á convocatoria do XXV Certame Literario Manuel Orestes Rodríguez López presentáronse 971 obras, das que 422 obras foron de poesía (máximo 100 versos) e 503 de narrativa (máximo 20 folios).
Para o crítico literario -e membro habitual dos xurados dos certames do país- Armando Requeixo, hai varias explicacións para esta axitación literaria e cibernética. "A facilidade dos envíos dixitais (aforras copias, encadernacións, envíos postais, que, ao final todo custa). Tamén no caso dos certames de textos (hiper)breves, a facilidade para crear un texto require un esforzo extensional (e/ou intensional) menor que para escribir unha novela longa, por exemplo. E por suposto a crise do coronavirus puxo patas arriba o noso sempre resistente sistema editorial, así que os certames son agora, máis que nunca, unha opción interesante para asegurarse visibilidade, unha compensación económica e mesmo a confirmación da publicación futura dos textos".
Nos vindeiros meses rematarán os prazos de entrega para os premios literarios de maior contía económica, coma o Torrente Ballester, o Xerais, o Blanco Amor ou o Álvaro Cunqueiro de Textos Teatrais. Entón será posible ver se este afán pola participación literaria se traslada tamén aos textos de maior extensión.
Para o crítico literario -e membro habitual dos xurados dos certames do país- Armando Requeixo, hai varias explicacións para esta axitación literaria e cibernética. "A facilidade dos envíos dixitais (aforras copias, encadernacións, envíos postais, que, ao final todo custa). Tamén no caso dos certames de textos (hiper)breves, a facilidade para crear un texto require un esforzo extensional (e/ou intensional) menor que para escribir unha novela longa, por exemplo. E por suposto a crise do coronavirus puxo patas arriba o noso sempre resistente sistema editorial, así que os certames son agora, máis que nunca, unha opción interesante para asegurarse visibilidade, unha compensación económica e mesmo a confirmación da publicación futura dos textos".
Nos vindeiros meses rematarán os prazos de entrega para os premios literarios de maior contía económica, coma o Torrente Ballester, o Xerais, o Blanco Amor ou o Álvaro Cunqueiro de Textos Teatrais. Entón será posible ver se este afán pola participación literaria se traslada tamén aos textos de maior extensión.
