Este sábado seis de xuño Carlos Blanco e Xosé A. Touriñán levan de novo a escena o seu espectáculo
Somos Criminais. A montaxe, que presume de ser a de maior éxito na escena galega, con máis de 50.000 entradas vendidas desde a súa estrea, volta nun único pase que se retransmitirá a través da rede. A produción ten á venda 5.000 pases a 5 euros cada un, co que os espectadores recibirán un contrasinal que lles permitirá acceder á emisión a partir das 22:30 horas. A obra, que mantén o texto orixinal de José L. Prieto, incluirá referencias a actualidade e será gravada sen público de xeito previo á emisión.
