Pescadores nas illas Blasket en 1928. Foto: Plácido Castro / Fundación Plácido Castro
A Fundación Plácido Castro e o Instituto Galego de Historia editaron e puxeron en libre descarga A propósito da viaxe de Plácido Castro ás illas Blasket (Irlanda, 1928), unha publicación que recolle varios ensaios ao redor do contexto cultural de Plácido Castro e as relacións entre Galicia e Irlanda. Uxío-Breogán Diéguez achega un artigo sbore o celtismo e irlanda no galeguismo do tempo de Plácido Castro e a xeración Nós. David Clark contextualiza a visita de Plácido Castro ás illas Blasket no verán de 1928, Keith Payne reflexiona sobre as conexións entre Yeats e Plásico Castro e Manuela Palacios recompila as relacións na investigación literaria entre os dous países e o seu futuro.
