Alianza entre distribuidora e editoriais para apoiar ás librarías

O Consorcio Editorial Galego e trinta editoras acordaron unha "alianza estratéxica" para apoiar ás librarías no momento da súa apertura. As medidas tomadas de maneira extraordinaria durarán ata o 31 de xullo. Trátase de aplicar un 40 por cento de desconto ás librarías do prezo dos libros, "asumido de forma igualitaria polas editoras e a propia distribuidora", e a flexibilización nos pagamentos destes libros. As editoras son Aira Editorial, A Central Folque, A Xente Corrente, Alvarellos, Asociación Socio-Pedagóxica Galega (AS-PG), Através Editora, Axóuxere Editora, Baía Edicións, Bunker Books, Catro Ventos Editora, Contos Estraños, Dos Acordes, Ediciones Bolanda, Edicións Laiovento, Edicións Matriarcas, Editorial Bululú, Editorial Discursiva, Editorial Doutor Alveiros (Fundación Vicente Risco), Espiral Maior, Hércules de Ediciones, Murguía Revista Galega de Historia, Museo do Pobo Galego, OQO Editora, PrimeraPersona Editorial, Punto e Coma, Retranca Editora, Senén Vaamonde, Sira e o robot, Toxosoutos e Urco Editora, todas elas distribuídas polo Consorcio Editorial Galego.