Nace Somos Tribo, un proxecto comunicativo para "identificarnos co universo que temos en común"

A consultora de comunicación wecom é a editora de Somos Tribo, un "proxecto comunicativo, xornalístico e social" que apareceu na rede e que, polo momento, presenta entrevistas en profundidade a figuras destacadas da cultura, a sociedade e o deporte galegos como a cantante Guadi Galego, a deportista Verónica Boquete, o humorista Xosé A. Touriñán ou o xornalista e escritor Moncho Vilar. "É un compromiso con Galicia, para coñecernos, recoñecernos e para identificarnos co universo que temos en común". As entrevistas van asinadas polos xornalistas Xabier Colmeiro e Marga Pazos.