"Queremos que estes días na casa sexan máis soportables, por iso desde a Film commission queremos compartir con todos vós documentáis, longametraxes, curtametraxes, traballos xa realizados e rodados en Pontevedra coa colaboración do Concello de Pontevedra e tamén proxectos que nos ceden realizadores e que foron rodadas noutros lugares fóra da nosa cidade". Así presenta a Pontevedra Film Commission a súa iniciativa Vídeos na rede que pon a disposición do público de xeito gratuíto unha vintena de pezas. Proxectos como Idiotas, Superpunky. El Musical, Flores para Amalia, Dies Dei ou La Bella Otero son algunhas da pezas dispoñibles. O proxecto está aberto a novas achegas.
