Tempo, memoria e viaxe converxen nos diálogos "Laboratorio Expedición" da Fundación Luís Seoane

A Fundación Luís Seoane publicou onte a primeira das sesións do "Laboratorio Expedición. Conversas en rede", na que diferentes expertos, investigadores e colectivos participarán ao longo de cinco sesións ao redor do "tempo, a memoria, a viaxe e o coñecemento". Na primeira sesión, xa dispoñible en liña, están subidas intervencións de José María Mesías, profesor de educación artística na Universidade da Coruña, e María Bella, investigadora e produtora cultural. Para as vindeiras sesións intervirán Silvia Domènech, xefa do Centro de Coñecemento e Investigación do Museu Picasso de Barcelona, Patricia Almarcegui, profesora de Literatura Comparada e o colectivo Patio de Butacas. Cada intervención finaliza cunha referencia a Luis Seoane, na que cada convidado escolle unha obra do artista galego.