Quiosco: O Umia número 2

A Asociación de Amig@s de Fefiñáns publicou na rede o segundo número do seu boletín O Umia, no que presenta tres artigos que abordan aspectos históricos e culturais da vila de Cambados. Deste xeito, Emilio Xosé Insua asina un artigo sobre o escritor cambadés Pedro Sánchez Peña, morto en 1902 aos 21 anos, e publica varios textos inéditos do literato. Héitor Picallo asina un artigo sobre a historia da casa de Ouxo da Torre e a súa relación con mulleres fidalgas, e Xoán Antonio Pillado Silvoso escribe sobre a falsa asociación de estruturas arquitectónicas do pazo de Fefiñáns con elementos da arquitectura militar medieval. A publicación pode descargarse en pdf.