Publican o epistolario cruzado de Carballo Calero e Otero Pedrayo

Son 167 cartas case a partes iguais, intercambiadas entre abril de 1949 e outubro de 1974, entre dous dos grandes intelectuais da Galicia do século XX. Vintecinco anos de correspondencia que se conservan entre o Parlamento de Galicia (as de Otero a Carballo) e a Fundación Penzol (as de Carballo a Otero). Nesta iniciativa promovida polo Consello da Cultura Galega e a Fundación Penzol, pódense consultar en liña os orixinais destas cartas e coñecer máis da relación entre eles e da cultura galega durante o franquismo.