O Teatro da Comedia de Madrid acolleu este luns 24 de febreiro o acto de entrega dos galardóns da Asociación de Directores de Escena. Entre eles, o Premio Adolfo Marsillach, que foi para Mostra Internacional de Teatro de Ribadavia en recoñecemento a "un labor teatral significativo" e por ser "un exemplo de calidade artÃstica e de xestión no ámbito das artes escénicas a nivel nacional e internacional". Segundo a ADE, nos seus 35 anos de existencia a cita "consolidou o seu carácter de servizo público, atento á innovación escénica, a historia e o compromiso coa escena galega e internacional, nun encontro rico e produtivo para a sociedade e a profesión teatral española".
