O grupo compostelán Grilo presentará o vindeiro día 31 de xaneiro na Sala Capitol de Santiago o seu primeiro disco de longa duración
"Para nós é unha das cancións máis especiais do disco, posto que nos achega a unha figura que forma parte da Historia do noso país na loita pola democracia e a liberdade dunha forma moi próxima. Esta carta móstranos o que o terror franquista fixo hai menos de cen anos, tronzando vidas e desfacendo familias por ter ideais diferentes", apuntan desde Grilo a través dun comunicado. A canción é a que pecha o primeiro disco de longa duración da banda logo de editar xa dous sinxelos acompañados dos seus respectivos videoclips ao longo do ano anterior, que os levou a dar concertos por grande parte da xeografía galega. O disco sae agora en formato físico e xa chegou ás plataformas dixitais no pasado mes de decembro.
