Galaxia publica a BD Luzbell o demo bombilla

Diego Rosales e Xosé Tomás recuperan o personaxe que vira a luz nas páxinas de Golfiño

A continuar a súa aposta pola banda deseñada, a Editorial Galaxia leva ás librarías un novo álbum de autoría galega. O guionista Diego Rosales e o debuxante Xosé Tomás asinan Luzbell o demo bombilla, un volume de 68 páxinas a toda cor no que os creadores recuperan o personaxe que vira a luz na revista Golfiño. O álbum componse de historias humorísticas dunha páxina no que o papel de demo do protagonista, o seu carácter eléctrico e toda unha familia de personaxes secundarios dan pé a diferentes chistes.