Cuberta do primeiro número
Mazarelos é unha nova publicación promovida por un grupo de graduados en Historia pola USC. A revista presentará en sociedade o seu primeiro número, financiado a partir dunha convocatoria de crowdfunding que reuniu 120 mecenas, este xoves no salón de Actos da Facultade de Filosofía, na Praza de Mazarelos ás 20.00h, pero xa se poden coñecer os contidos desta primeira achega. Entre os primeiros números, Zira Box reflexiona sobre o diálogo entre a Historia e as Ciencias Sociais, Lucía Veciño escribe sobre o papel das labregas nos conflitos do rural na primeira metade do século XX ou Mateo Martínez detense na represión na comarca do Ribeiro, entre moitos artigos.
