Logo de reunir máis de 4.000 euros vía crowdfunding, a ilustradora Ana Moreiras lanzou ao público este Nadal Madialeva, a súa primeira banda deseñada. A obra, unha serie de relatos gráficos sobre o rural galego parte das historias que a autora escoitou na súa aldea de Friol e presenta un retrato deste mundo protagonizado polas "nosas nais, avoas e bisavoas: esas mulleres bravas que tan a miúdo sostiveron ás súas familias nun século ben difícil". O volume, a toda cor, está á venda a un prezo de 18 euros.
