Un total de catorce colaboracións compoñen a quinta entrega de Caleidoscópica, a revista dixital dedicada á fotografía. Cos conflitos como eixe, Alberte Peiteável, Eva Camba, Maite Rey, Afonso Rodríguez, Pilar Abades, Xosé Lois Gutiérrez Faílde, Teto R. Fialhega, Xian Naia, Beatriz Sánchez Madruga, Uxía Iglesias, Zelia García, Ángel Santamaría, Rebeca Raso e Andrés Baltar achegan as súas olladas fotográficas. Canda aos seus traballos, a entrega inclúe unha entrevista a Tiffany López Ganet, unha reflexión de Sabela Fraga e outra de Xián Naia sobre o panorama fotográfico no país.
