Co lema Tránsitos está xa na rede a cuarta entrega da revista dixital de fotografía Caleidoscópica. Nesta xeira, a publicación desenvolvida por Charo Lopes, Miguel Auria, Pilar Abades e Xiana Quintas suma 294 páxinas cunha nutrida nómina de colaboradores. Graffitis, escaleiras, centros sociais autónomos, peregrinacións, o puerperio ou os pobos de colonización son algúns dos eixes que se abordan en diferentes reportaxes fotográficos. Canda a eles, unha entrevista a Anabel Varela e o seu proxecto de cociña vegana no rural Black Emma, a reflexión sobre o urbanismo periférico de Ergosfera, as imaxes da Limia ou unha reflexión da fotografía postmortem son outros contidos da entrega.
