Tal e como estaba anunciado, este 2 de xaneiro saíu á rúa o primeiro número de Nós Diario. A nova aposta de xornal impreso en galego sairá publicado entre martes e sábado e inclúe, neste último día, a cabeceira Sermos Galiza, convertida agora en suplemento. O proxecto, dirixido por María Obelleiro, conta con 3.000 subscritores e inicia a súa distribución en 2.400 puntos de venda, en moitos dos cales se esgotou no seu primeiro día.
