A Sala Yago acolle este sábado unha nova xuntanza do coñecido como “Foro Teatral de Sada”, un grupo integrado por nomes tan coñecidos como Eduardo Alonso, Luma Gómez ou Morris. O cometido desta reunión, á que asistirán representantes do IGAEM e de UNIMA, e da Asociación de Actores, Directores e Técnicos de Escena, é debater un texto titulado “A programación teatral: unha nova proposta” que lle enviaron ao IGAEM hai un ano. Nese documento fan constar a necesidade de redefinir as redes A, B e C, ademais de propor a creación da Rede V (rede de verán) para cubrir o baleiro da temporada estival.
Máis información en La Voz de Galicia e no web da Sala Yago
