Óliver Laxe e Benedicta Sánchez finalistas dos Premios Goya

A Academia das Artes e as Ciencias Cinematográficas de España ven de facer pública a lista de finalistas para a 34ª edición dos Premios Goya, que se entregarán o vindeiro 25 de xaneiro en Málaga. A cinematografía galega acada este ano postos relevantes nesta lista sobre todo grazas a O que arde, pero non exclusivamente. A película en galega máis vista en salas da historia ten agora mesmo opción como finalista en catro dos premios, un deles o de Mellor Película do ano. Óliver Laxe entra na fase final do premio á Mellor Dirección, colocándose entre figuras consolidadas como Alejandro Amenabar (Mientras dure la guerra) e Pedro Almodovar (Dolor y gloria), ademais de Aitor Arregi, Jon Garaño e José Mari Goenaga (La frontera infinita). Tamén Benedicta Sánchez, actriz novel co-protagonista da película galega, entra con forza de finalista na categoría de Actriz Revelación. As opcións para O que arde complétanse coa candidatura finalista para Mauro Herce polo seu traballo de fotografía na categoría de Mellor Fotografía.

Ademais deles a potencia da interpretación galega tamén se ve reflectida na presenza finalista de Santi Prego por Mientras dure la guerra na categoría de Actor Revelación e de Luís Tosar por Quien a hierro mata na de Actor Protagonista, competindo con Antonio Banderas (Dolor y gloria), Karra Elejalde ( Mientras dure la guerra) e Antonio De la Torre (La Frontera Infinita). Na categoría de curtametraxe de animación hay sitio tamén para unha produción galega, Homomaquia, o filme do lugués David fidalgo, producido por Chelo Loureiro para Abano Producciones. Mientras dure la guerra, de Alejandro Amenábar, lidera as películas finalistas aos Premios Goya con 17 candidaturas. Tras dela La trinchera infinita, de Jon Garaño, Jose Mari Goenaga, Aitor Arregi, con 16, e Dolor y gloria, de Pedro Almodóvar, con 15.