Quiosco: Cuadernos de Estudios Gallegos número 132

O novo número, 132, da revista Cuadernos de Estudios Gallegos, presenta desta volta artigos moi variados. Silvia González Soutelo encabeza unha nómina de autores que publican os resultados dunha intervención no xacemento de Currás (Tomiño), un asentamento rural de época romana. Martín Fernández Calo analiza o papel político das comunidades na Gallaecia sueva e visigoda e Xosé Manuel Sánchez detense na percepción individual dos conflitos e o seu marco social desde a igrexa de Santiago de Compostela en época baixomedieval. Son algúns dos exemplos dos textos publicados neste novo número desta publicación científica do Instituto Padre Sarmiento do CSIC.