A revista Cuadernos de Estudios Gallegos chega ao seu número 124 acadando a máxima puntuación en indicadores de calidade científica no seu ámbito en Galicia. O novo número, correspondente a 2011, dispoñible na rede, esténdese na análise do papel da aristocracia en Galicia entre a Idade Media e o Antigo Réxime. Hoxe reúnese en Compostela o consello editorial para planificar as futuras liñas da publicación.
