A famosa foto de Ruth Matilda Anderson na que se ve a un grupo de mulleres cargando na súa cabeza mercadorías polos montes do Pindo é o punto de partida do documental "As mulleres co mundo na cabeza", segundo da serie "Memorias de vida en vivo", cos que a Comisión de Igualdade do Consello da Cultura Galega quere facer visible o traballo de mulleres anónimas a través da súas propias voces. O documental, dirixido por Encarna Otero, traza as vicisitudes, os traballos agrícolas e os longos camiños percorridos para a venda do leite de Olimpia Oreiro e a súa filla Marisa, veciñas da aldea carnotá de Vilar de Parada. Estrearase mañá, martes 16 de xullo, no salón do concello de Carnota ás 19 horas.
Teaser do documental:
