O Instituto Cervantes do Río de Janeiro acolle ata o 29 de xuño a exposición "Galicia imaxinada nas revistas da emigración". A mostra permite visualizar a influencia da emigración na creación da imaxe da Galicia no século XIX a través da análise de varias publicacións. Rosario Álvarez, presidenta do Consello da Cultura Galega, inaugurou a mostra no marco dunha viaxe institucional ao Brasil, na que tamén se realizou unha mesa redonda na Universidade Federal do Río de Janeiro organizada pola Academia Brasileira de Letras e na que participaron tamén Víctor Freixanes, presidente da Real Academia, e o secretario desa institución, Henrique Monteagudo.
