A Academia Xacobea e a Xunta convocan o I Premio de Poesía 'Camiño de Santiago'

O mércores presentouse o I Premio de Poesía "Camiño de Santiago", organizado pola Academia Xacobea co patrocinio da Consellería de Cultura. No acto de presentación, Valentín García, secretario xeral de Política Lingüística, sinalou que este novo certame "contribuirá, desde a poesía, á proxección exterior da lingua galega arredor do Camiño e do Xacobeo”. No concurso poden participar poemarios orixinais en galego ou castelán e a obra gañadora recibirá 1500 euros e a publicación da obra pola editorial barcelonesa Carena.