O documental Pacto de irmãos reflexiona sobre as orixes da nosa lingua

Reflexionar sobre as orixes da nosa lingua e sobre o papel da escrita na configuración de comunidades son os dous grandes obxectivos de Pacto de irmãos. Os Primórdios da Língua Escrita. A Associaçom Galega da Língua estreaba a pasada fin de semana en Compostela e publicaba na rede este luns o documental completo que dirixiu Rafa Janeiro e que toma o seu nome do Pacto dos Irmãos Pais, considerado o máis antigo documento en galego-português, datado entre 1173 e 1175.

O filme, que contou co apoio da Deputación da Coruña para o seu desenvolvemento, recolle testemuños de autores como Lídia Jorge ou Rui Zink, do filólogo José António Souto Cabo ou da paleógrafa Maria José Azevedo Santos. Ademais, a AGAL publicou tamén na rede diferentes materiais didácticos destinados a facilitar o emprego do documental en distintos niveis de ensino.

Pacto de irmãos. Os primórdios da língua escrita from PACTO DE IRMÃOS on Vimeo.