Héctor Cajaraville e Carlos Castelao fanse cos Losada Diéguez

Os premios Losada Diéguez son atípicos no panorama literario galego, porque son outorgados a obras xa publicadas. O 27 de abril celebrouse a xuntanza do xurado da XXXIV edición do premio, que decidiu outorgar por unanimidade o galardón na categoría de creación literaria á novela histórica Nova Nursia, de Héctor Cajaraville, e na modalidade de investigación en ensaio ao libro As orixes da fotografía en Galicia de Carlos Castelao. Para o xurado, Nova Nursia é "unha áxil novela histórica que se centra na figura de Frei Rosendo Salvado. A través dunha combinación de perspectivas (narración en terceira persoa e cartas en primeira persoa), os lectores achéganse a unha experiencia histórica transcional, dende Tui a Australia". Pola súa banda, o ensaio As orixes da fotografía en Galicia "destaca pola calidade e intensidade de investigación documental realizada sobre a chegada e asentamento da fotografía na sociedade compostelana".