A Ribeira Sacra será a candidata española a Patrimonio da Humanidade

A Ribeira Sacra será a candidata española a Patrimonio da Humanidade da UNESCO. Así o anunciou o director xeral de Belas Artes do Ministerio de Cultura, Román Fernández-Baca, e a directora de Patrimonio Cultural da Xunta, María del Carmen Martínez Insua. Será a única candidatura española para este ano e a decisión foi tomada por unanimidade do Consello do Patrimonio. A candidatura será avaliada na xuntanza 45 do Comité do Patrimonio Mundial e a súa resolución coñecerase no ano 2021.