A illa de San Simón acollerá o vindeiro día 26 de abril unha xornada para público xeral que pretende analizar a cultura medieval tomando como base as últimas investigacións sobre este período que empregan novas tecnoloxías. A primeira xornada do programa Seíameu...en San simón leva por título A cultura medieval á luz das novas tecnoloxías e está conformado por catro sesións que prestarán atención na arte, na literatura, na música e no patrimonio. A xornada incríbese nun convenio suscrito polo Consello da Cultura Galega e o concello de Redondela que significará a realización dun evento anual na illa de San Simón e o préstamo de exposicións do CCG.
