Como parte do proxecto de investigación Enhance Microalgae, a debuxante Xulia Pisón acaba de publicar Micro algas. El mundo oculto. O volume, no que mestura ficción e divulgación científica sobre este tema, aborda as aventuras dun grupo de adolescentes para defender o medio ambiente. A obra ve a luz en castelán e está prevista unha vindeira edición na nosa lingua da man da Universidade da Coruña.
En paralelo, a editora viguesa Fosfatina acaba de lanzar Cadencia, unha banda deseñada abstracta do autor estremeño Roberto Massó. Ao longo de 144 páxinas, o autor explora a representación do movemento e da elipse nunha obra que narra "a historia do que o noso ollo é incapaz de ver" no que se presenta como "un cómic no que os debuxos crearn un relato sobre o movemento".
