Giuseppe Tavani. Fotografía da Galipedia.
O filólogo Giuseppe Tavani, membro de honra da Real Academia Galega e Medalla Castelao, falecía en Roma, a súa cidade natal, o pasado día 22 de marzo. O investigador, referente nos estudos sobre lírica medieval galego-portuguesa, contaba con 95 anos e foi promotor da teoría que sitúa o noso país como berce e centro difusor das formas trobadorescas. Ademais, desenvolveu un importante labor de tradución e difusión de obras galegas contemporáneas coa creación da colecciónn Poeti e prosatori galeghi en colaboración con Giulia Lanciani.
O seu labor valeulle recoñecementos como o Premio da Crítica de Galicia (1987), o Pedrón de Ouro ou o título de doutor honoris causa pola Universidade de Santiago de Compostela. A Real Academia Galega, que emitiu un comunicado, ou a Universidade de Santiago, así como diferente persoeiros da cultural amosaron publicamente o seu pesar polo falecemento.
