Fecha Andel, a libraría viguesa especializada en libro galego

A coincidir coa celebración onte do Día da Lingua Materna a libraría viguesa Andel, especializada en literatura galega, anunciaba o seu feche. A entidade, que nacera como tenda en liña pioneira en 1997 abrira aos dous anos a sede física na Cidade Olívica que agora desaparece. Os responsables do proxecto, Xaime e Concha Nogueira, anunciaron que terán en liquidación os seus fondos ata o vindeiro 30 de marzo e que continuarán co negocio na rede, aínda que xa non incorporarán novidades ao seu fondo. Numerosos mensaxes nas redes sociais, entre eles persoeiros como Xosé Luís Méndez Ferrín ou Manuel Bragado lamentaron a desaparición deste establecemento.