As primeiras publicacións con gallo do Día das Letras Galega 2019 comezan a ver a luz. Edicións Xerais acaba de anunciar o lanzamento de Antonio Fraguas. O bo mestre, o mestre bo, unha obra na que Héctor Cajaraville repasa a traxectoria do autor homenaxeado este ano o 17 de maio. Inserida na colección Merlín para lectores a partir de 11 anos, a publicación recolle a biografía de Fraguas co acompañamento de fotografías, ilustracións de Evaristo Pereira e textos do propio homenaxeado a repasar momentos da súa vida ou persoeiros que coñeceu. Ademais, o libro inclúe unha cronoloxía e unha bibliografía do autor.
