O Diario Oficial de Galicia publica hoxe a convocatoria desubvencións para o desenvolvemento e promoción do talento audiovisual galego, que incrementan neste ano 11.000 euros a súa dotación e acadan os 156.000. A liña de subvencións apoiará un total de quince proxectos, seis de escrita individual do guión, que distribuirán 30.000 euros, outros seis para a realización de proxectos de curtametraxes gravadas en versión orixinal galega cunha duración inferior a 60 minutos (36.000 euros) e tres para proxectos de longametraxes cinematográficas en versión orixinal galega, cunha duración igual ou superior aos 60 minutos, que repartirán 30.000 euros. As persoas interesadas teñen un mes para presentar as súas solicitudes a esta convocatoria.
