Xerardo Quintiá gaña o VII Premio de Poesía Manuel Lueiro Rey

O escritor Xerardo Quintiá fíxose co VII Premio de Poesía Manuel Lueiro Rey, convocado polo concello de Fornelos de Montes, coa obra Fornelos & Fornelos: terceira fundación. O premio está dotado con 2500 euros e a publicación da obra en Edicións Xerais de Galicia. O xurado destacou do poemario "a capacidade do autor para construír un universo lírico, enraizado na mellor tradición literaria occidental".