Códex Cinema é nome da nova sala de proxección que vai abrir en Lugo antes de final deste ano. O proxecto recupera dúas das salas dos antigos Cines Yelmo para realizar proxeccións en versión orixinal e centradas en producións independentes e de autor. O músico e activista Eloi Caldeiro é un dos promotores desta iniciativa, que achegará unha sala de 150 butacas e outra de 74 equipadas con novos proxectores dixitais. Ademais de proxectar filmes, o novo espazo quere acoller conferencias, debates e outros eventos, e de cara ao futuro proxecta completar o proxecto cunha librarÃa un estudio de televisión e unha sala de eventos.
