Mañá é 17 de maio e o Día das Letras Galegas deixa gran cantidade e diversidade de actos en numerosos puntos. A Real Academia Galega homenaxeará a Avilés cunha ofrenda floral en Noia á que lle segue o habitual plenario dos académicos. Pola súa banda a Mesa, BNG, CIG e CCOO teñen convocado para mañá ás 12 en Santiago unha manifestación baixo o lema “Outra política lingüística é posíbel”. Presentacións de libros, discos, concertos e festas completan os actos, aos que se suman os xornais que ofrecen libros para dar a coñecer a figura de Avilés.
Máis información sobre o manifesto no web de A Mesa; sobre os actos na provincia de Ourense en La Región; a Festa da Lingua do MDL (Movemento de Defesa da Língua) en Pontevedra e unha completa listaxe de actos en Vieiros
