O Centro Ramón Piñeiro custodiará o legado de Luísa Villalta

A familia da falecida escritora Luísa Villalta depositou o pasado venres no Centro Ramón Piñeiro de Investigación de Humanidades, dependente da Xunta, o legado documental da autora. O conxunto inclúe poemarios manuscritos, versos e unha peza teatral inéditas, máis de 600 cartas, medio cento de cardenos, anotacións, apuntamentos de obras xa publicadas, gravacións sonoras e videográficas e documentación persoal. Os fondos serán agora dixitalizados e analizados polo persoal do Ramón Piñeiro con vistas a dar a coñecer o traballo da autora.