A Praza dos Libros, o tradicional encontro libreiro que organiza cada ano o Concello de Carballo, abre esta mañá as súas portas co pregón de Sés. Ata o vindeiro día 8 un intenso programa de actividades procurará achegarlle aos visitantes o mundo do libro nunha edición que contará coa presenza de nove postos de venda, ademais do das Bibliotecas de Carballo. Á lus do Candil (Arteixo), Demo (A Coruña), Roget (Vimianzo) e as carballesas Brañas Verdes, Ler, Punto e Coma, Phottic, Teldy e Trasgo participan nun encontro que visitarán autores e músicos como Manolo Rivas, Pedro Feijoo, Enma Pedreira, Eli Ríos, Pablo Díaz, Anxo Moure, Paco Nogueiras, Miro Villar, Anair Rodríguez, Mamá Cabra, Milladoiro entre outros.
