Voadora fará unha produción operística orixinal en 2019 coa Filharmonía

A compañía teatral Voadora iniciou xa os traballos previos do que será unha ambiciosa produción da súa primeira ópera, que se fará coa Real Filharmonía de Galicia. A Amnesia de Clío se estreará en novembro do vindeiro ano 2019 composta por Fernando Buide, con libreto de Fernando Epelde, dirección de escena de Marta Pazos e dirección musical de Paul Daniel. En rpincipio Santiago e Vigo acollerán esta produción. Segundo avanza a Erregueté-Revista Galega de Teatro A Amnesia de Clío estruturarase en tres actos e terá sobre unha hora e media de duración. O rol principal da obra será o dunha personaxe real, Cicciolina, nome artístico de Ilona Staller, estrela do cine porno nos anos oitenta que chegou a desenvolver unha carreira na política italiana e que foi celebrada como musa da arte contemporánea despois de casar co artista Jeff Koons. O antagonista, por outra banda, será o ex presidente dos Estados Unidos George W. Bush. Xunto con algúns secundarios, armarán unha pequena distopía escrita en clave feminista. Compositor e libretista compartiron algúns destes detalles da ópera onte nas Xornadas de Música Contemporánea de Compostela.