Desaparecen dous códices do século XIV dun convento de Viveiro

Dous códices do século XIV desapareceron da biblioteca do convento de Valdeflores, en Viveiro, segundo sinalou onte La Voz de Galicia. Os dous códices están a ser buscados polas forzas de seguridade e aínda non se atoparon. Os libros roubados son parte dunha colección de dez que se conservan no arquivo do mosteiro. As monxas tamén detectaron o roubo de moedas e o acceso á antiga habitación das novicias, así como unha escaleira empregada para poder acceder ás fiestras do mosteiro. Esta noticia súmase á do peche do mosteiro despois de que as seis monxas que aínda vivían nel decidiran marchar para o mosteiro de Cangas do Narcea. A situación no mosteiro era moi tensa, chegando a aparecer en medios e a instancias eclesiásticas superiores. Previamente outras tres monxas, máis novas, marcharan do cenobio debido a un forte enfrontamento coas máis veteranas.