Rosario Álvarez, única candidata a presidir o Consello da Cultura Galega

Onte finalizou o prazo de presentación de candidaturas para a Presidencia do Consello da Cultura Galega. A única candidatura presentada é a da catedrática da USC Rosario Álvarez, actual vicepresidenta do Consello da Cultura Galega. O pleno das votacións realizarase o vindeiro xoves 31 de maio pola tarde. A lei do Consello da Cultura Galega limita a dous mandatos de catro anos a Presidencia do Consello da Cultura Galega.